Iha Bar laran Mau Soko krekas maran, tur hemu halimar hela. Maun Abut, Braco teek tama ba besik mausoko no fo tebe ida ba nia "Ciaaat!!" Mau Soko monu tun hosi nia kadeira. Mau Soko Hader mai Maun Abut dehan "Ida ne Taekwondo Husi Korea." Tamba tauk, Mau Soko La simu hasoru, nia lao nonok ba tur fali iha nia fatin.
Maibe lakeur, Maun Abut lao ba besik Mausoko, Hiit nia no riba tiha ba rai.
"Gubraakkk!!! Mau Soko hader mai Maun Abut dehan tan, "Foin dadaun ne Judo husi Jepao." Mau Soko nonok deit no nia lao neneik ba tur fali iha nia fatin.
La kleur, Maun Abut fo soku ida ba Mau Soko nia Ibun.
"Buggg!!. Mausoko monu tiha ba rai no Maun Abut Hateten, "Ida ne'e Boxing husi Amerika." Mau Soko nia ibun raan nakfakar, nia hader no nia la ba tur fali iha nia fatin ona, maibe nia lao neneik no sai tiha husi Bar.
Lakleur, Mausoko Tama fali mai Bar laran, nia halai lalais los ba besik Maun Abut no Baku maun Abut nia ulun "Bletookkk.!!" Maun Abut monu tun no desmaia tiha.
Mau Soko atu esplika ba nia mas Maun Abut latan iha rai la dada iis (mate kiik tiha) entao Mausoko lao ba besik Bar nain no dehan ba nia "Tio Favor ida, Karik orsida Bandidu Ne'e hader, tio hateten hela ba nia katak ida ohin kona nia ulun nene'e Aisuak husi To'os Laran.
No comments:
Post a Comment